جێگرێ سوپاسالارێ وەزارەتا پێشمەرگەی یا حکومەتا هەرێمێ ڕاگەهاند، یەکەیەکا حسابی ل وەزارەتا پێشمەرگەى دامەزراندیە و هەمى هێزێن پێشمەرگەى ب وێ رێکێ و ب ئاوایەکێ ئەلکترۆنى دێ موچە هێتەوەرگرتن.

بالەفڕێن ئارتێشا تورکیا دەمژمێر ١٠ێ شەڤ بۆمبەبارانا دەڤەرا بەرواری بالا ل قەزا ئامێدیێ کر.

ئاگر مەزن ب کوگەهەکا کەلوپەلێن خارنێ کەفت کو ب سەدەمەکا نەدیار کو هەیا نها ئاگر نەهاتیە کۆنترۆلکرن، نەهاتیە زانین کا ئەرێ کەس دناڤدا هەیە.

بنگەهێ بەرەڤانیا شارستانى ل کەلار ڕاگەهاند، بسەدەما هەبوونا چەقماخەکێ دناڤ دەرگەهێ ترۆمبێلەکێ دا، ئاگر بەربوو ترۆمبێلێ و شەوتى.

بالەفڕێن ئارتێشا تورکیا ترۆمبێلەکا یەبەشێ ل سەرێ چیایێ شنگالێ بۆردومانکر.

ل گورەی زانیاریێن ئێن ئاڕ تی ل داویا جڤینا جڤاتا وەزیران عەلی عەلاوی وەزیرێ دارایی یێ عێراقێ نەرازیبوویە لسەر هنارتنا ٢٠٠ ملیاران بۆ هەرێما کوردستانێ، بسەدەمێ وێیەکێ هەرێم چ تشتەکی د هەمبەردا بۆ وی پارەی نادەت.

پشتی ل شەفا دەربازبووی ١٧ کەسان سەرەدانا خارنگەهەکا ماسیان کری ل سنورێ قەزا بەردەرەش بۆ خارنا ماسیان و ب وی سەدەمی هەر هەمی ژەهراویبووین و رەوانەی نەخۆشخانێ کرین، د نهادا هژمارا وان حەت جاران هند لێ هاتیە.

رزگار کوچەر نووچەگەهانێ ئین ئاڕ تی د رومالا ئاگربەربوونا کۆگەها مۆبیلیاتان یا سەر جاددا ٦٠ مەتری هەولێر دا ڕاگەهاند، ئاگر هاتیە کۆنترۆلکرن، خۆدانێ مۆبیلیاتێ ژی دبێژیت، بسەدەمێ سپلێتا دناڤ مۆبیلیاتێ دا ئاگر بەربوویێ.

ب سەدەمێ نەبوونا کارەبێ ل کومەلگەها چرەی سەر ب قەزا شێخان ل دهۆکێ ل سپێدەهیا ئەڤرۆ خۆنیشاندان دەستپێکر و رێیا دنافبەرا دهۆک- هەولێر دائێخست، پشتی بەلاڤە ب خۆ نیشاندانێ هاتیە کرن ژ ئالیێ هێزێن ئەولەهیێ بۆ جارا دووێ وەلاتی هاتن و جاددە گرتە ڤە.

نەبەز عەبدولحەمید قائیمقامێ هەولێرێ دەربارەی بویەرا ئاگربەربوونێ دبێژیت، کێمترخەمیا وەلاتیان بخۆژی تێدا هەیە و داخاز دکەت، وەلاتی ژ وی جهی دوویربکەڤن.

ئەڤرۆ چار شەمبی، بهایێ دۆلاری دبازارێن هەرێما کوردستانێ ب ١٤٧ هزار و ٥٠٠ دیناران بۆ هەر ١٠٠ دۆلاریێن ئەمریکی بازار پێ دهێتەکرن، بڤێ یەکێ ژی بهەڤبەرکرن ب دووهی ٢٥٠ دیناران زێدەتر بازار پێ دهێتە کرن.

نووچەگەهانێ ئێن ئاڕ تی ڕاگەهاند ئاگرەکێ مەزن ب موبیلیاتەکا هەولێرێ ل جاددەیا ٦٠ مەتری کەفتیە کو کوگەهـ و کارگەهـ ژی دگەلدایە و ئاگر بەربوویە بەشێ سەری یێ کوگەهێ ئێک ژ کارمەندێن موبیلیاتێ لناڤ مۆبیلیاتێ مایە.

ئەڤرۆ چارشەمبیی، لگوری بۆرسەیا جیهانی، بهایێ ئێک کێلۆگراما زێڕی پێکهاتیە ژ ٥٦ هزار و ٥٧ دۆلار و ئێک ئۆنسا زێڕی ژی ب هزار و ٧٥٩ دۆلارانە، بهایێ ئێک گرامێ ژی ٥٦ دۆلار و ٥ سەنتایە.

خەلكێ كومەلگەھا چرەى خۆ نيشاندان ئەنجامدايە بسەدەمێ نەبوونا كارەبێ و خزمەتگوزاريان و رێيا دناڤبەرا دھۆك- ھەولێر ھاتيە گرتن.

پەیڤدارێ حکومەتا هەرێمێ د ڕاگەهاندنەکێ دا رەتکریە ئەو بالەفڕا هێرش کریە سەر کەتائیبێن سەید ئەلشوهەدا ل هەولێرێ فڕیبن.

بسەدەمێ پێلەکا گەرمێ یا بهێز کو ویلایەتێن رۆژئاڤا یێن کەنەدا ڤەگرتینە، ٦٣ کەسان ژیانا خۆ ژ دەستدا.

کۆمپانیا ماکرۆسۆف سیستەمێ کارێ نوی یێ و یندوزێ ١١ دا نیاسین.

بهایێ ئێک بەرمیلا پەتڕۆلا خاڤ یا برێنت لگورى بازارێ پەتڕۆلا جیهانى ٧٥ دۆلار و ٧ سەنتە، ب ڤێ ژى بهایێ پەتڕۆلێ بۆ هەر بەرمیلەکێ ٩٩ سەنتان داکەت.

دەستەیا سەقاناسیا عێراقێ ڕاگەهاند، پێشبینیێ دکەین چارشەمبێ، پلەیێن گەرماتیێ ل بەغدایا پایتەخت و نەهـ پارێزگەهێن دی یێن عێراقێ بگەهیتە ٥٠ پلەیێن سیلیزی و ل دوو پارێزگەهان بهێنڤەدان بهێتە ڕاگەهاند.

پارێزەرێن عەبدولا ئۆجەلانی رێبەرێ پارتا کرێکارێن کوردستانێ بۆ ئەنجامدانا چاڤپێکەفتنێ دگەل ئۆجەلانی، داخازی ل داخازکەرێ گشتی یا باژارێ بورسا تومارکرن.

ئەو توشبوویێ پەنجەشێرێ دڕوومالەکا تایبەتدا بۆ ئێن ئاڕ تی چیرۆکا ژیانا خۆ و دژواریا دگەل نەخۆشیا پەنجەشێرێ ڤەگێرای و بەحس ل نەبوونا دەرمان و ئازارانکری ژیانا خۆ ژ دەستدا.

سەرۆکێ دەستیا گشتی یا وەبەرئینانا هەرێما کوردستانێ ڕاگەهاند، داخازێ ل خۆدان پرۆژەیێن یەکەیێن ئاکنجیبوونێ کریە کارئاسانیێ بۆ وەلاتیان بکەن لسەر دانا قستێن وان، دبێژیت ژێ، "هەر ١٠٠ دۆلاران لهەمبەر ١٣٠ هزار دیناران دیاربکەن".

ئەڤرۆ سێشەمبی، ل دەما داخستنا بازارێن هەرێما کوردستانێ بهایێ ١٠٠ دۆلارێن ئەمریکی ب ١٤٧ هزار و ٢٥٠ دیناران بازار پێ دهاتەکرن، بڤێ ژی هەڤبەرکرن دگەل دەما ڤەکرنا بازاری بهاێ دۆلاری ١٥٠ دیناران لهەمبەر دینارێ عێراقی بلندبوویە.

وەزارەتا ساخلەمیا هەرێما کوردستانێ ڕاگەهاند،ل دەمێ ٢٤ دەمژمێرێن دەربازبووی، ٦٥٢ حالەتێن توشبوونێ ب کۆرۆنایێ تۆمارکرینە، هەڤدەم ٥٧٢ حالەت چارەسەر بووینە و "شەش" حالەتێن ژیان ژدەستدانێ هاتینە تۆمارکرن.

بەریا دەمەکی کێم ل سەنتەرێ باژارێ دهۆکێ تەرمێ کەسەکی خۆدان پێتڤیێن تایبەت یێ بەرنیاس ب مەمێ لسەر جاددێ دهێتە دیتن و پشتی دگەهیننە نەخۆشخانێ ژیانا خۆ ژدەست ددەت.

ئەڤرۆ سێ شەمبی، بەنکا ناڤەندی یا عێراقێ کوژمێ فرۆتنا دۆلاری بۆ ٢٣٧ ملیۆنان زێدەکر ب ئارمانجا رێگریکرنێ ل بلندبوونا بهایێ دۆلاری ل هەمبەر دیناری.

بەرەڤانیا باژاری ل دهۆکێ ڕاگەهاند، دشەش مەهێن دەربازبوویدا ١٩ کەسان ب سەدەما شەوتین و خەندقینێ ژیانا خۆ ژ دەستدایە، گوت ژی، هزار و ٥٥٣ بویەران روویدایە و زێدەتری حەفت ملیار دینار زەرەر هەبووینە. ​

پشتی ١٧ کەسان سەرەدانا خارنگەهەکا ماسیان کری ل سنورێ قەزا بەردەرەش بۆ خارنا ماسیان و ب وی سەدەمی هەر هەمی ژەهراویبووینە.

ڕێکخراوا جاسەنە یا نە حکومى ڕاگەهاند، دەسهەلاتدارێن هەرێما کوردستانێ، بێى گۆهدانا پرەنسیپێن ئازادى و مافێن مرۆڤى، پێنگاڤێن وان ستەمکاران ل هەمبەر ب رۆژنامەڤان و چالاکڤانان زێدەتر و زێدەتربیە.

ل شەڤا دەربازبوو گەنجەک ژ مال دەرکەفتیە و پشتی مۆبایلا وی هاتیە دائێخستن و دیار نەبووی ئەڤرۆ تەرمێ وی ب کوشتی ل گوندێ نێرگزین هاتە دیتن.