ئەمڕۆ سێشەممە، وەزارەتی تەندروستی لە راگەیەندراوێکدا باسی لەوەکرد، لە ماوەی ٢٤ کاتژمێری رابردوودا لە کۆی هەشت هەزار و ١٠٢ پشکنین، تەنیا ٥٠٧ کەس توشی ڤایرۆسەکە بوون بەجۆرێک، لە هەولێر ٨٣ حاڵەت، سلێمانی ٢٢٧، دهۆک ١٥٢ و گەرمیان ٣٦، هەڵەبجە شەش و راپەڕین سێ حاڵەت تۆمارکراوە.

لەراگەیەندراوەکەدا ئەوەش خراوەتەڕوو، چاکبوونەوە بەرێژەی ١١% کەمیکردووە، کە ٥١٨ کەس لە ڤایرۆسەکە چاکبوونەتەوە، بەجۆرێک ١٤١ کەس لە هەولێر، ٢١٤ لە سلێمانی، ١١٣ لە دهۆک، پێنج لە هەڵەبجە، ٤٠ گەرمیان و پێنج لە راپەرین لەڤایرۆسەکە چاکبووتەنەتەوە.

هاوکات، تەنیا حەوت حاڵەتی گیانلەدەستدان بە ڤایرۆسەکە تۆمارکراوە بەجۆرێک سێ لە هەولێر، یەک لە سلێمانی، دوو لە دهۆک و یەک کەسیش لە هەڵەبجە بەهۆی ڤایرۆسەکەوە گیانیان لەدەستداوە.

ئەمەش لەکاتێکدایە، تاوەکو ئێستا لەهەرێمدا، ١٧٧ هەزار و ٧٧٩ حاڵەتی توشبوون بە ڤایرۆسی کۆرۆنا تۆمارکراوە و لەو ژمارەیەش ١٦٦ هەزار و ٢٠٢ کەس چاکبوونەتەوە و چوار هەزار و ٣٨٠ کەسیش گیانیان لەدەستداوە.

کلیک لێرە بکە بۆ پڕکردنەوەی فۆڕمی وەرگرتنی ڤاکسین

نـ، غـ