وەزارەتی تەندروستی هەرێم رایگەیاند، لە ماوەی ٢٤ کاتژمێری رابردوودا، ٤٦٦ حاڵەتی توشبوون بە کۆرۆنا تۆمارکراوە، هاوکات، ٤٩٩ حاڵەتی چاکبوونەوە و هەشت حاڵەتی گیان لەدەستدان تۆمارکراوە.
بەگوێرەی وەزارەتی تەندروستی هەرێم، ژمارەی توشبووان بە کۆرۆنا بەجۆرێک بووە، کە لە هەولێر ١١٢ کەس، سلێمانی ١٨٥، دهۆک ١٤٩، گەرمیان ١٨، هەڵەبجە دوو کەس و لە راپەڕینیش هیچ توشبوویەکی ڤایرۆسەکە تۆمارنەکراوە.
لەکاتێکدا، ٤٩٩ حاڵەتی چاکبوونەوە تۆمارکراوە، لەو رێژەیەش، لە هەولێر ١١٣ کەس، سلێمانی ٢١٢، دهۆک ١٢٣، گەرمیان ٤٥، راپەڕین پێنج و هەڵەبجە یەک کەس، هاوکات، هەشت حاڵەتی گیان لەدەستدان تۆمارکراوە.
لە دوای بڵاوبوونەوەی ڤایرۆسی کۆرۆناوە لە ساڵی ٢٠١٩دا لە شاری وهانی چین، تا ئێستا لە هەرێم ١٧٨ هەزار و ٧١٨ کەس توشی ڤایرۆسەکە بوون، هاوکات ١٦٧ هەزار و ١٨٩ کەس چاکبوونەتەوە و چوار هەزار و ٣٩٠ کەسیش بەهۆی ڤایرۆسەکەوە گیانیان لەدەستداوە.
شەنای فاتیح
ئاکار بەختیار