سەرۆکی جوڵانەوەی نەوەی نوێ رایگەیاند، سبەی بەنزینی ٥٠٠ دیناری دابەش دەکرێت و لە کۆنفڕانسێکی رۆژنامەنوسیدا هەموو نهێنیەکان لەسەر گرانی بەنزین ئاشکرادەکەن.
شاسوار عەبدولواحید سەرۆکی جوڵانەوەی نەوەی نوێ لە فەیسبووک بڵاویکردەوە، "سبەی لە کۆنفڕانسێکی رۆژنامەنوسیدا لە کاتژمێر ١١:٠٠ی بەیانیدا هەموو نهێنی بەنزین گرانی ئاشکرا دەکەین و ئەو پارە زیادەیە بۆ کێ دەروات و دەچێتە گیرفانی کێوە."
ئەمەش لەکاتێکدایە ماوەیەکە، نرخی بەنزین بەشێوەیەکی بەرچاو لە هەرێمدا بەرزبووەتەوە کە قۆناغ بە قۆناغ ئەو بەرزبوونەوەیە روویدا.
بەجۆرێک، لە رابردوودا نرخی لیترێک بەنزین لە جۆری نۆرماڵ لە نێوان ٤٥٠ تا ٥٠٠ دیناردا بوو، بەڵام ئێستا نرخی یەک لیتر بەنزین لە جۆری نۆرماڵ بۆ ٧٥٠ دینار بەرزبووەتەوە.