ئەمڕۆ هەینی، ئەفسەرێکی هاتووچۆ بە ئێن ئاڕ تی راگەیاند، کاتژمێر ٩ی بەیانی لەسەر رێگای سەرەکی سوارەتووکە بۆ سەرسەنگ لە سنووری قەزای ئامێدی رووداوێکی هاتوچۆ لە جۆری لێدان روویدا و شەش کەس بریندار بوون.

ئاماژەی بەوەشدا، بریندارەکان بۆ نەخۆشخانەی فریاکەوتنی دهۆک گوازراونەتەوە و برینی دووان لە بریندارەکان سەختە.

ئەفسرەکەی هاتووچۆ وتیشی، رووداوەکە لە نێوان دوو ئۆتۆمبێلی جۆری (سکودی کرێ و تۆیۆتا کامری کە ئۆتۆمبێلێکی گەشتیاری بووە) روویداوە و لە ناویشیاندا چوار پیاو و دوو ژن بریندار بوون و برینی چواریان سوکە و برینی دوانیان سەختە.

ئەمە لە کاتێکدایە  رووداوەکانی هاتوچۆ لە سنووری قەزای دهۆک رۆژ بەرۆژ بەرەو زیادبوون دەچن و بەو هۆیەشەوە هاتوچۆی دهۆک بۆ ماوەی سێ رۆژە دەستی بەدانانی مەفرەزى کردووە و لە راگەیەندراوێکیشدا روونیکردەوە کە مەبەست لە دانانی ئەو مەفرەزانە لێپێچینەوەیە لەگەڵ ئەو شۆفێرانەی کە دەبنە هۆی دروستبوونی رووداوە دڵتەزێنەکان.

نیهاد ئۆرەماری - ئامێدی