بەرەبەیانی ئەمڕۆ شەممە رووداوێکی هاتوچۆدا لە سەر رێگەی بەعقوبە-خانەقین لەسنوری پارێزگای دیالە روویدا و مردنی ٥ کەسی لێکەوتەوە و ژمارەیەکی دیکەش برینداربون.
بەوتەی پەیامنێری ئێن ئاڕ تی روداوەکە لەسەر رێگەی بەعقوبە-خانەقین و لە نزیک بازگەی کوباشی رویداوە، رووداوەکەش مردنی ٥ کەس و برینداربوونی حەوت کەسی دیکەی لێکەوتوەتەوە.
قوربانییەکان گەشتیاری ئاینی بوون و بەمەبەستی سەردانی شوێنە پیرۆزەکانی ئایینزای شیعە لە کەربەلاو نەجەف ڕۆشتوون.
دوا بەدوای رووداوەکەش هێزە ئەمنییەکان گەیشتوونەتە شوێنی رووداوەکەو لێکۆڵینەوە لەرووداوەکە دەستیپێکردووە.
