بەڕیوەبەرایەتی هاتووچۆی گەرمیان رایگەیاند، لە ئەنجامی پێکدادانی ماتۆڕ سکیلێک و مینی پاسێکدا لە نێوان گوندی هۆرێن و ناحیەی مەیدان شۆفێری ماتۆڕسکیلەکە گیانی لەدەستدا.
ئەمڕۆ دووشەممە، بەڕێوەبەرایەتی هاوتووچۆی گەرمیان راگەیەنراوێکی بڵاوکردەوە و تیایدا ئاماژە بەوەدراوە، لەسنوری ناحیەی مەیدان بەهۆی پێکدادانی ماتۆڕ سکیلێک و مینی پاسێکەوە کەسێک گیانی لەدەست دا .
ئەوەشی خستووەتەڕوو، روداوەکە لەنێوان گوندی هۆرێن و ناحیەی مەیداندا رویداوە و ماتۆڕسکیلەکە و مینی پاسەکە بەئاراستەی ناحییەی مەیدان رۆشتون و توشی پێکدادان بوون.
بەگوێرەی راگەیەنراوەکە، بەهۆی رووداوەکەوە شۆفێری ماتۆڕسکیلەکە گیانی لەدەست داوە و لێکۆڵینەوە لە لایەن تیمی هاتووچۆوە دەستی پێکردووە.